Қолжазба ендірмені тану жүйесі ақпараттық ойын-сауық жүйесі жанасу арқылы басқаруға, ал пернетақта орнына қолжазба ендірмені пайдалануға мүмкіндік береді.

Жүйе ұсақ шаң датчигімен, мотор бөлімінде терең тазалау сүзгісімен және тиімділігі жоғары бактерияға қарсы біріктірілген салон сүзгісімен жабдықталған, олар автокөлік салонындағы ұсақ шаңды айтарлықтай азайтады.

Дауыстық пәрмендердің көмегімен климаттық қондырғыны, электрлік әйнеккөтергіштерді және жүксалғыш бөлігінің қақпағын басқаруға болады. Бұл екі есе ыңғайлы.

G80 салонын максималды тыныштықпен қамтамасыз ету үшін дыбыс толқындарымен инверттелген жол шуылдарын белсенді бәсеңдету технологиясы пайдаланылады.

Электрреттегіштер және желдету және жылыту функциялары бар артқы орындықтар арқаның еңкею бұрышын реттеуге мүмкіндік береді, сондай-ақ жылдың кез келген мезгілінде жайлылықпен қамтамасыз етеді. Желдету режиміндегі желдеткіштердің айналу жиілігі автокөліктің қозғалыс жылдамдығына қарай автоматты реттеледі. Артқы орындықтардың желдету және жылыту функцияларын жүргізуші орнынан климаттық қондырғының сенсорлы панелі арқылы басқаруға болады.

Артқы жолаушыларға арналған ақпараттық ойын-сауық жүйесі екі дисплеймен жасақталады және фильмдер, телебағдарламалар қарауға және түрлі мультимедиялық сервистерді пайдалануға мүмкіндік береді. Алдыңғы орындықтардың арқаларына орнатылатын сенсорлық панельдер бір-біріне тәуелді емес, сондықтан жолаушылар бір уақытта әртүрлі контентті ойната алады.

Электржетегі бар артқы қалқа жолаушыларды күн сәулелерінен және бөтен көздерден қорғайды.

Қатарды ауыстыру немесе қатарлас тұрақтан шығу үшін бұрылыс көрсеткіші қосылғанда, жүргізушіге тиісті көзден таса аймақтағы көлік құралдары туралы (егер бар болса) ескертеді. Егер ескертуден кейін соқтығысу қаупі артса, жүйе тежегіш механизмдерді автоматты белсендіреді және ЖКО алдын алу үшін автокөлікті тоқтатады.

Қарсы және жолай келе жатқан көлік құралдары жүргізушілерінің көзіне шағылыспауы үшін шалғай жарықты қосу-өшіруді басқарады. Ол сондай-ақ түнгі уақытта жүргізуші орнынан қарап шолуды жақсартады.

Жолақты ауыстырғанда көрші жолақтағы алдыда келе жатқан көлік құралымен соқтығысып қалмауға көмектеседі.

Тұрақ орнын табуға көмектеседі және рульді, тежегіш жүйе мен трансмиссяны басқара отырып, автокөлікті тұраққа қояды. Қосымша жайлы болу үшін тұраққа қою процесін смарт-кілт көмегімен қашықтан басқаруға болады.

Артқы жүріспен жүрген кезде сол не оң жақтан жақында келе жатқан көлік құралымен соқтығысу қаупі анықталса, жүргізушіге ескертеді. Егер ескертуден кейін соқтығысу қаупі артса, жүйе тежегіш механизмдерді автоматты белсендіреді және ЖКО алдын алу үшін автокөлікті тоқтатады.